લુંટાઈ એટલું લુંટો....

 હું કોઈ અર્થશાસ્ત્રી નથી, પણ મારા અંગત મંતવ્ય મુજબ કદાચ એવું બન્યું હોઈ શકે કે ૧૫ વર્ષ જુના એટલે કે ૨૦૦૫ પહેલાંના તમામ વાહનો સ્ક્રેપ પોલિસી મુજબ જપ્ત કરી લેવામાં આવશે, મતલબ એકલા ગુજરાતમાં જ 2 થી 3 કરોડ વાહનો ૧૫ વર્ષ જુના છે, તો દેશભરમાં કેટલા હશે ?click here

          હવે ૧૫ વર્ષ જુના વાહનો સ્ક્રેપ થાય તો સ્વાભાવિક છે કે નવી ખરીદી કરવી જ પડે, કારણ કે વાહન વગર તો આજના યુગમાં ચાલવું અઘરૂં છે, ફક્ત ગુજરાતમાં જ નવા 2થી 3 કરોડ વાહનો સ્ક્રેપ થાય તો નવી ખરીદી થવાની છે તો દેશભરમાં કેટલા નવા વાહનોની ખરીદી કરવાની જરૂરિયાત ઉભી થશે ?

            વિચારવા જેવું હવે છે કે આ કાયદો સરકારે જાતે બનાવ્યો કે પછી આની પાછળ વાહન બનાવતી કંપનીઓ અને સરકારે સાથે મળીને કોઈ મેગા પ્લાન તૈયાર કર્યો હશે ? અથવા તો આ કાયદો બનાવવાથી સૌથી વધુ ફાયદો તો મોટરસાયકલ, મોટરકારો, ટ્રક, ઓટો રીક્ષા વગેરે વિવિધ પ્રકારના વાહનો બનાવતી કંપનીઓને થવાનો છે, ખુબ મોટા પાયે ખરીદી થશે એટલે એટલો ફાયદો થશે કે જેની આપણે આમ જનતા કલ્પના પણ ન કરી શકીએ. એનાથી જે પૈસા કંપનીઓ કમાશે એનો આંકડો કેવડો મોટો હશે એ ગણતરી શાયદ હું ન કરી શકું, માટે પહેલાં જ મેં કહી દીધું કે હું અર્થશાસ્ત્રી નથી. 

           એનાથી પણ આગળ વધીએ તો બાઈક, કાર, ટ્રક, બસ, ઓટો રીક્ષા, ભાર વાહક કે માલવાહક આવા તમામ પ્રકારના વાહનો બનાવતી કંપનીઓએ પોતાની પુષ્કળ કમાણી ધ્યાનમાં રાખીને સરકાર સાથે મળીને સોદો કર્યો ન હોય એની ખાતરી શું ? બની શકે સરકારને મતલબ જે સત્તામાં છે એ પાર્ટી સહિત અવાજ નહીં ઉઠાવવા માટે વિપક્ષ સહિત તમામને આ કાયદો બનાવવા માટે ખુબ મોટા પ્રમાણમાં ફંડ આપવામાં આવ્યું નહીં હોય એની ખાતરી શું ?

            માર તો જનતાને જ પડવાનો છે, જનતા લુંટાઈ જશે પણ સામે ખુબ મોટા પાયે ખરીદી થવાથી સરકારને જીએસટી સહિત એટલી બધી કમાણી થશે કે બખ્ખા બોલી જશે, કંપનીઓ અને સરકાર બન્ને ખૂબ મોટી કમાણી કરશે સાથે સાથે દરેક વાહનનો વીમો ફરજિયાત એટલે વીમા કંપનીઓને પણ ચાંદી ચાંદી થઈ જશે, આખરે મરશે તો જનતા જ.https://amzn.to/2WbwrSK

          વધુમાં જોઈએ તો મોટા ભાગના ખેડુતો પાસે તો જુના ટ્રેક્ટર છે, ખેડુતો છેલ્લા ઘણાં સમયથી ખોટમાં ચાલે છે એટલે દેવાદાર તો છે જ, પણ ખેતી કરવા માટે ટ્રેક્ટર લેશે એટલે દેવું વધશે, લોન ભરપાઈ નહીં કરે તો જમીન જશે અને અંતિમ પગલું પણ ભરી શકે. ટૂંકમાં આ કાયદામાં પ્રદુષણ ના નામે કંપનીઓ અને સરકાર પોતાના ફાયદા કરી લેશે, જનતા લુંટાઈ જશે પણ ઉંહકારો પણ નહીં કરે એ હું જાણું છું.

            ખેર આ મારૂં અંગત મંતવ્ય છે, ઉપર કહ્યા મુજબ બન્યું હોઈ શકે, અને એવું પણ બની શકે કે તમે ઘરેથી વાહન લઇને નીકળ્યા હોવ અને તમારૂં વાહન પંદર વર્ષ જુનું હોય તો ઘરે પાછા તમે પગપાળા પણ આવી શકો છો.

             ગમે એટલું લખીશ પણ જનતા એની મસ્તીમાં છે, લુંટાવા માટે તૈયાર છે, ઉંહકારો પણ કરશે નહીં, માટે લુંટો તમતમારે લુંટાઈ એટલું લુંટો.... ભારત માતા કી જય🙊😟

"ઍરર આવશે તો સૉલ્યુશન મળશે."

કમ્પ્યૂટર પ્રોગ્રામિંગ જે નવું-સવું શીખતા હોય તેઓને વારંવાર ‘ઍરર’ નો સામનો કરવો પડતો હોય છે. અમારા સાહેબ કહેતા, "યાદ રાખજો ઍરર હંમેશા કંઇક શીખવવા માટે આવતી હોય છે. ઍરર જેને આવે એ લકી કહેવાય. બીજા શબ્દોમાં કહેવું હોય તો જેને એકેય ઍરર ન આવે એ અનલકી. બીજું એ પણ યાદ રાખજો કે એકની એક ઍરર વારંવાર ન આવવી જોઈએ નહિંતર એ લકી-અનલકીને બદલે અણસમજુ વધુ કહેવાય. રોજેરોજ નવી-નવી ઍરર આવે તો વાંધો નહીં." વાત સાચી છે, દરેક ઍરર કંઇક શીખવી જ જાય છે.

સાયકલ ફાસ્ટ દોડાવવા ગયા, તો બૅલેન્સ બગડ્યું, પગ છોલાયા, ઍરર આવી. પણ બીજી વાર બૅલેન્સ કેમ રાખવું એ ફાવી ગયું. સાયકલ ચલાવતાં આવડી ગઈ. કોઈએ સુંદર વાક્ય કહ્યું છે, "પડવું એ અપરાધ નથી, પડ્યા રહેવું એ અપરાધ છે." તમારી સફળતાનો પ્રયત્ન નંબર નક્કી છે. (રિપીટ: તમારી સફળતાનો પ્રયત્ન નંબર નક્કી છે.) કોઈને પહેલા પ્રયત્ને તો કોઈને સાતમા પ્રયત્ને, તો કોઈને બાવીસમા પ્રયત્ને. રોમાંચક રહસ્ય એ છે કે આપણને એ પ્રયત્ન નંબર ખબર નથી. એટલું યાદ રાખો કે તમે નિષ્ફળતા બાદ જે નવો પ્રયત્ન કરવાનું માંડી વાળો છો એ જ તમારી સફળતા માટેનો આખરી પ્રયત્ન હોય છે. પાછા ન વળો. તમારી અને સફળતાની વચ્ચે તમારો એક આખરી પ્રયત્ન જ છે. તમે પ્રયત્ન કર્યો અને સારા વાનાં થવાનાં શરુ.

  

ઍરર એને જ આવે જે કંઇક કર્મ કરતો હોય – એવું એક વાક્ય કોઈ મહાપુરુષે કહ્યું છે. વડીલ, વૃદ્ધ કે સંત એટલે ઘણી બધી ઍરર અને તેના સૉલ્યુશનના જ્ઞાન કે સમજ વાળી વ્યક્તિ. એવી કોઈ સફળ વ્યક્તિ નથી, જેના જીવનમાં ઍરર ન આવી હોય. 

ડોક્ટર પાસે આવનારો દર્દી એના શરીરમાં આવેલી ઍરરની જ વાત કરતો હોય છે ને? ડોક્ટરના કોર્સમાં પણ ખરેખર તો શારીરિક ઍરરનો જ અભ્યાસ કરવામાં આવે છે ને? મને તો લાગે છે કે મોટાભાગની વૈજ્ઞાનિક શોધનું કારણ મિસ્ટેક એટલે કે ઍરર છે. 

કદી ન જોડવામાં આવેલા બે છેડા એડીસને ભૂલથી જોડ્યા અને બલ્બ ઝબૂક્યો. વીજળીની શોધ થઇ. ઍરર એટલે અનડિફાઇન્ડ ઍક્ટ. સાંભળ્યું છે કે ગેલેલિયોએ કહેલું વાક્ય ‘પૃથ્વી ગોળ છે’ને પણ પહેલા ઍરર જ ગણવામાં આવેલી. એની આ ઍરર બદલ એને જેલમાં પૂરવામાં આવ્યો હતો. પછીથી ખબર પડી કે પૃથ્વી સાચે જ ગોળ છે. જેને ઍરર સમજવામાં આવેલી એ સત્ય હતું.  

અમારી કમ્પ્યૂટર કોલેજમાં તો અમે ઍરર જનરેટ કરવાની ટેસ્ટ ગોઠવતા. પ્રશ્નપત્રમાં દસ એરર આપવામાં આવતી. વિદ્યાર્થીઓએ પ્રોગ્રામમાં એવી લીટી લખવાની કે જેથી પ્રશ્નમાં આપેલી ઍરર જનરેટ થાય. જો ઍરર આવે તો પૂરા માર્ક. કેટલાક વિદ્યાર્થીઓ ફરિયાદ કરતા કે ‘સર, આ ત્રીજી ઍરર આવતી જ નથી’ ત્યારે ક્લાસ આખો હસી પડતો. કેવી વિચિત્ર ફરિયાદ કે ઍરર આવતી નથી. અને હું એમને એ ઍરર લાવવા પ્રોત્સાહિત કરતો. આખા નાટકની ફલશ્રુતિ એ રહેતી કે વિદ્યાર્થીઓને ઍરરની બીક ઉડી જતી, ઍરર સાથે દોસ્તી થઇ જતી.

ઍરર છે તો સોલ્યુશન છે. પ્રશ્ન છે તો જવાબ છે. અર્જુનને રણમેદાનમાં ઍરર આવી. કૃષ્ણએ સૉલ્યુશન બતાવ્યું. અર્જુન સાજો સમો થઇ ગયો. આપણા જીવનનો સૌથી સુંદર સમય જેને આપણે સૌ બહુ મિસ કરતા હોઈએ એ એટલે બાળપણ. બાળપણ એટલે ચડ્ડીમાં પી પી થઇ જવી કે ‘ભફ’ થઇ જવું કે ધૂળનો બુકડો ભરવો, સમજો ને કે ઍરરના ઢગલાં. કેવું વિચિત્ર કહેવાય નહીં?

     

જીવનની કેટલીક ઍરરનો અફસોસ છેલ્લા શ્વાસ સુધી રહી જતો હોય છે. અજાણતાં થતી ઍરર માફ છે, પણ જાણી જોઈને કરવામાં આવતી ઍરરનું પરિણામ ખતરનાક આવતું હોય છે. નિષ્ફળ કે દુઃખી માણસો કોણે ઍરર કરી એની ચર્ચા કરતા હોય છે જયારે સફળ અને જવાબદાર માણસો, કોણે ઍરર કરી એને બદલે કઈ ઍરર થઇ અને એનું સૉલ્યુશન શું છે અને ફરી આવી ઍરર ન થાય એ માટે શું કરવું એનો વિચાર કરી તેનું સૉલ્યુશન કરતા હોય છે.

હું તો માનું છું કે પહેલ હંમેશા નિર્દોષ, સફળ અને સાહસિક વ્યક્તિ તરફથી જ થવી જોઈએ. કાળા ડીબાંગ ભૂતકાળ અને સોનેરી ભવિષ્યકાળ વચ્ચે કેવળ તમે જ ઊભા છો. ભાગીને લગ્ન કરનાર સંતાનનો સંસાર વર્ષો બાદ જો આજે સુખી હોય તો એની ઍરર માફ કરવાનું, ગેરસમજની ઍરર ને લીધે વર્ષોથી થીજી ગયેલા લગ્ન જીવનના બાગને ફરી મહેકાવવાનું, વારસાના ભાગલાં પાડતી વખતેની થયેલી બોલાચાલીની ઍરર ભૂલી ફરી પરિવારને એક કરવાનું સાહસ આજના દિવસે એક મેસેજ કે ફોન કરીને "યત્ર યોગેશ્વર: કૃષ્ણો યત્ર પાર્થ: ધનુર્ધર: તત્ર શ્રીવિજયોર્ભૂતિ ધ્રુવાનીતિર્મતિર્મમ."ના મંત્રને સાર્થક કરીએ તો કેવું?  

  

ઓલ ધી બેસ્ટ.